Молитвы о детях, о зачатии, благополучной беременности и родах

О присносла́внии Христо́вы пра́ведницы, святи́и богоотцы́ Иоаки́ме и А́нно, предстоя́щии Небе́сному Престо́лу Вели́каго Царя́ и ве́лие дерзнове́ние к Нему́ иму́щии, я́ко от Преблагослове́нныя Дще́ре ва́шея, Пречи́стыя Богоро́дицы, воплоти́тися изво́лившему! К вам, я́ко многомо́щным предста́телем и моли́твенникам о нас, прибега́ем мы, гре́шнии и недосто́йнии. Моли́те бла́гость Его́, я́ко да отврати́т от нас гнев Свой и изба́вит нас от уз безча́дия. Да́руйте нам ва́шими моли́твами чадородие, плод чре́ва во благослове́ние Бо́жие, да во смире́нии и стра́хе Госпо́днем воспита́ем его́ во сла́ву Свята́го И́мени Его́. Ами́нь.

Родители Пресвятой Богородицы до преклонных лет не имели детей и претерпевали поношения от людей, но верили Богу и по непрестанной слезной молитве зачали Пречистую Деву Марию.

О Пресвята́я Госпоже́ Влады́чице Богоро́дице, в земне́й жи́зни Твое́й не оста́вившая нас без по́мощи и заступле́ния! Приими́ смире́нное моле́ние рабы́ Твоея́ (и́мя). Се во чре́ве ношу́ плод, благослове́нный Бо́гом. Огради́ мя от вся́каго зла, уврачу́й не́мощи моя́, укрепи́ ду́шу и те́ло мое́. В час же рожде́ния младе́нца сего́ яви́ ми ско́рое Твое́ заступле́ние: разреши́ мя от уз боле́зненных, дару́й здра́вие мне и ча́ду моему́, и сподо́би нас восприя́ти благода́ть свята́го Креще́ния. О всеми́лостивая Засту́пнице, воспева́ю ми́лость Твою́ во ве́ки веко́в. Ами́нь.

Перед этим святым образом молятся будущие мамы на протяжении всех девяти месяцев беременности и в сам день родов.