Молитвы о здравии и исцелении болящего, от тяжелых недугов

О вели́кий уго́дниче Христо́в, страстоте́рпче и врачу́ многоми́лостивый, Пантелеи́моне! Умилосе́рдися надо мно́ю, гре́шным рабо́м (и́мя), услы́ши стена́ние и вопль мой, уми́лостиви Небе́снаго, Верхо́внаго Врача́ душ и теле́с на́ших, Христа́ Бо́га на́шего, да да́рует ми исцеле́ние от неду́га, мя гнету́щаго. Прими́ недосто́йное моле́ние гре́шнейшаго па́че всех челове́к, посети́ мя благода́тным посеще́нием, не возгнуша́йся грехо́вных язв мои́х, пома́жи еле́ем ми́лости твоея́ и исцели́ мя: да здра́в сый душе́ю и те́лом, оста́ток дней мои́х, благода́тию Бо́жиею, возмогу́ провести́ в покая́нии и угожде́нии Бо́гу и сподо́блюся восприя́ти благи́й коне́ц жития́ моего́. Ей, уго́дниче Бо́жий! Умоли́ Христа́ Бо́га, да предста́тельством твои́м да́рует здра́вие те́лу моему́ и спасе́ние души́ мое́й. Ами́нь.

Святой великомученик Пантелеимон еще при земной жизни исцелял безнадежно больных именем Господа Иисуса Христа. Ему молятся при самых тяжелых физических страданиях.

О всеблаже́нный испове́дниче, святи́телю о́тче наш Луко́, вели́кий уго́дниче Христо́в! Припа́дающе к тебе́, я́коже ча́да ко отцу́, мо́лим тя: услы́ши нас гре́шных и принеси́ моли́тву на́шу к Ми́лостивому и Человеколюби́вому Бо́гу. Ве́руем бо, я́ко ты лю́биши ны то́ю са́мою любо́вию, е́юже вся бли́жния возлюби́л еси́, на земли́ пребыва́я. Уврачу́й благода́тию твое́ю неду́ги на́ша, исцели́ я́звы душ и теле́с на́ших, укрепи́ ру́ки врачу́ющих ны, да послу́жат ору́дием всемогу́щаго Врача́ Христа́ Спа́са на́шего. Испроси́ нам коему́ждо благопотре́бное и вся ко вре́менней жи́зни и ве́чному спасе́нию поле́зная: скорбя́щим утеше́ние, неду́гующим здра́вие, во вражде́ су́щим примире́ние. Ами́нь.

Святитель Лука Войно-Ясенецкий — величайший хирург XX века, автор классических трудов по гнойной хирургии, ставший епископом. Ему сугубо молятся о помощи врачам и выздоровлении.

О Пречи́стая Богома́ти, Всецари́це! Услы́ши многоболе́зненное воздыха́ние на́ше пред чудотво́рною ико́ною Твое́ю, из уде́ла Афо́нскаго в Росси́ю пренесе́нною, при́зри на чад Твои́х, неисце́льными неду́ги стра́ждущих, к свято́му о́бразу Твоему́ с ве́рою припа́дающих! Я́коже пти́ца крило́ма покрыва́ет птенцы́ своя́, та́ко и Ты ны́не, при́сно жи́ва су́щи, покры́й нас многоцеле́бным Твои́м омофо́ром. Та́мо, иде́же наде́жда исчеза́ет, несумне́нною Наде́ждою бу́ди. Та́мо, иде́же лю́тыя ско́рби превозмога́ют, Терпе́нием и Осла́бою яви́ся. Та́мо, иде́же мрак отча́яния в ду́шу всели́ся, да возсия́ет неизрече́нный свет Божества́! Уте́ши малоду́шныя, укрепи́ немощны́я, ожесточе́нным сердца́м умягче́ние и просвеще́ние да́руй. Исцели́ боля́щия лю́ди Твоя́, о Всеми́лостивая Цари́це! Ами́нь.

Древний чудотворный афонский образ Божией Матери «Всецарица» прославлен бесчисленными исцелениями страдающих онкологическими заболеваниями.